تداعيات الأحداث بعد تعرض نافع للضرب فى لندن...

07-07-2011, 11:39 AM

محمد الحسن محمد محمدأحمد

محمد الحسن محمد محمدأحمد is on a distinguished road

رد: انباء عن تعرض نافع للضرب فى لندن ...

أنا : محمد الحسن محمد محمدأحمد

سجل معنا لتتمتع بهذه الخاصية

بسم الله الرحمن الرحيم
سفارة جمهورية السودان -لندن

دعوة عامة

الأعزاء أبناء وبنات الجالية السودانية:

السلام عليكم ورحمة الله وبركاته

تقيم السفارة السودانية بلندن لقاء مفتوحا لأبناء وبنات الجالية السودانية يخاطبه السيد/ مساعد رئيس الجمهورية د. نافع علي نافع والسيد/ مستشار رئيس الجمهورية د. مصطفي عثمان إسماعيل ، واللذان يزوران لندن هذه الأيام. وذلك مساء يوم الأربعاء الموافق 6 يوليو2011 الساعة الثامنة والنصف مساءاً بمبانى البعثة على العنوان:
3, Cleveland Row, St. James’s
SWIA 1DD
London

حضوركم يشرفنا ويثري النقاش

سفارة جمهورية السودان- لندن


	انا كنت حاضر الندوة، واليكم انطباعيتي السفير السوداني لا يصلح ان يكون شيخ غفر من حيث اللغة، واختيار ال**ارات، فارته غير لائقة نهائياً. نافع شخصية مستفزة، وحقيقة لسانه زفر ويستاهل الدق مصطفي عثمان ذكر بان زيارتهم لبريطانيا لشرح ترتيبات مرحلة ما بعد الانفصال للحكومة البريطانية، وأنهم دخلوا في الحوار مع الليبيين، والمصريين، والتونسيين بخصوص الثورات العربية، وفي واحد من الحضور قال له حتجيكم قريب ما تست** قاسم شاب شجاع لم يتحكم في أعصابه من القاذورات التي أطلقها نافع عمار عوض سئل نافع ولم يستطع نافع الإجابة علي كل اسئلته، والله ياعمار اسئلتك قوية ومتينة محمد الأنصاري وعبدالملك العبيد تحدثوا عن مجمل الأوضاع في السودان بلغة جميلة وفيه وعى سياسي وتحليل منطقي لمجريات الأوضاع السياسية. هتفوا جميع النساء بالقاعة بعد ضرب نافع سقطت سقطت ياكيزان، التحية لنساء لندن الاماجد خالد الاعيسر وإمام محمد إمام، أسئلتكم لنافع خلتني أقول ليكم الناس في شنو والحسانية في شنو. رمرم سؤالك جميل لكن لم توفق في اختيار الألفاظ في شابة قالت ان المعارضة في لندن بتبيع في السودان للخواجات، لكن كلامها غير صحيح، لان الكلام دة ما بنطبق على كل المعارضة، وصلاح قوش باع السودان للأمريكان ونافع الآن ببيع في الجزء الأخر من السودان. رجل امن السفارة وليد، لاجي سياسي بلندن، ويحمي في افراد الحكومة يجب الوقوف حول هذا الأمر. محمد هارون، وفيصل الباقر تحدثوا عن حرية الصحافة وحرية الحركة والفكر، وقانون الصحافة. نافع كان كلامه غير مرتب بعد الضربة، لغته أصبحت محترمة شوية، لكن التركيز كان ضعيف، يعنى قال **دالخالق محجوب وكان قاصد محجوب محمد صالح، وللصادق المهدي قال الامام الهادي، وقال انقلاب 1989 الغاشم طبعاً كلامه هنا صاح، لكن كان قاصد 1969، وأمثلة كثيرة جداً زى دة. مصطفي عثمان اجتهد جداً انو ما يتكلم الا بعد واحد من الحضور قال ان السؤال حقي دة داير يجاوب عليه المستشار وما داير نافع يجاوب عليهو لانو نافع ما بعرف، ونافع قال ليهو مبروك عليك المستشار، بلغة فيه حتى استخفاف بمصطفي عثمان. في شاب اسمو عاطف وواحد اسمو محمد التوم، اول مرة أقابلهم، فلهم التحية فهم خير مثال للدبلوماسي السوداني، فتعاملهم مع الحضور كان بطريقة سودانية أصيلة. كنت خايف زول من معارفي يشوفني في السفارة ويقول انا بقيت كوز ههههههههه، لكن لمن لقيت عدد كبير من السياسيين في لندن قاعدين في الندوة، اطمئنت بالنسبة لي اول مرة ادخل السفارة من ما جيت لندن في سنة 1996م. الندوة قالوا حتبدا 8.30، لكن بدأت متاخرة حوالي 9.10 مساءً نافع اضرب الساعة 9.55 م الندوة استمرت حوالي ساعة واربعين دقيقة بعد الضربة. انا ما عارف الدعوة أتسربت كيف للمعارضة، لانو السفارة ما اتعودنا منها دعوة السودانيين ببريطانيا، وبعد الحصل دة ما اظن يدعوا زول تاني نصرالدين حسن

محمد الحسن محمد محمدأحمد غير متواجد حالياً

التعديل الأخير تم بواسطة محمد الحسن محمد محمدأحمد ; 07-08-2011 الساعة 09:34 AM.

مواقع النشر (المفضلة)

كاتب الموضوع

محمد الحسن محمد محمدأحمد

مشاركات

المشاهدات

7582

انشر |

انشر الموضوع

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
الانتقال إلى العرض العادي الانتقال إلى العرض المتطور العرض الشجري

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 08:12 AM

إهداءات ^^^ ترحيب ^^^ تهاني ^^^ تعازي ^^^ تعليقات ^^^ إعلانات

تداعيات الأحداث بعد تعرض نافع للضرب فى لندن...

المنتدى العام