القبول يا رب - شباب الطريقة الختمية بدائرة ود ابراهيم بأم بدة
مجموعة مدائح ختمية.. شباب الطريقة الختمية بمسجد السيد علي الميرغني ببحري
|
|||||||
| المنتدى العام لقاء الأحبة في الله لمناقشة جميع المواضيع |
 |
|
|
أدوات الموضوع | إبحث في الموضوع | انواع عرض الموضوع |
05-16-2010, 12:46 AM
|
#1 | |
|
لجنة شئون الأعضاء
 
 |
مذكرات عاطلات....
هي محاولات مني لسرد ما حدث ومازال يحدث للعديد من الخريجين والخريجات في بلادي.... تفرز الجامعات كل عام أفواج وأفواج من طلبة (ثورة التعليم العالي دون أي توظيف لقبولهم او تأهيل الكادر البشري بداخلهم)... وبالتالي يزداد ويزداد كوم العاطلين والعاطلات وبالتالي يصبح النسيج الاجتماعي في وضع تدهوري خطير هي محاولة فكاهية من باب (هم يضحك وهم يبكي)... (رباب) و(سارة) نموذج مبسط جدا لجيل العاطلات أحكي واسرد ليكم رباب وسارة
قامت (سارة) من نومها متكاسلة وهي (تحنس) نفسها للنهوض من السرير فالوقتمازال مبكرا على مواعيد استيقاظها من النوم ولكن اتصالا مسجيا (عن طريقالرسائل القصيرة طبعا نسبة للفلس القاطع) جرى بينها وبين صديقتها(رباب) بان هنالك شركة استثمارية كبرى ترغب في تعيين موظفين وموظفات من جميعالتخصصات والفرصة كبيرة جدا (للعنصر النسائي).. قررن أن يجربن مثل ما كن يجربن كل مرة عسى ولعل وليت.... رن هاتف (سارة) بالنغمة المخصصة لصديقتها(...نظام عاطلات وكده وكل يغني على ليلاه)... سارة:ايوه يارباب صباح الخير. رباب:خلينا من صباح الخير والعربي الكتير ماعندي ليك رصيد اطلعي بعد ده ونتلاقى في السوق العربي عشان نركب من هناك. سارة:وووب علي من مساختك الزول ما يغلط يصبح عليك خلاص اقفلي. تنتهي (سارة ) من لبسها سريعا وتتأهب للخروج لملاقاة صديقتها ولكن تأخذ(تخريمة)باتجاه الوالدة(لزوم التحنيس لمصاريف المواصلات).. سارة:صباح الخير يا (ماما) يا ست الحبايب. والدتها في سرها  أجييي اكيد البت دي دايرة قروش الدلع ده ماساي)صباح الخير ياسارة. سارة: طبعا الليلة ياأمي في تقديم في شركة ومحتاجة لمصاريف. والدتها: وووب علينا نحنا من التقديم البلا فايدة ده . عليك الله هسي كان رضيتي بحسن ود خالك ما كان اخير ليك من النطيط والجري ده. سارة:عليك الله يا امي ما وقتو انا متاخرة على البت المنتظراني دي حتديني القروش وللا لأ؟ والدتها:حأديك الخمسة الف بتاعة العيش ونتدين نحنا لكن لما ابوك يجي اشرحي ليهو الحاصل براك ما يجي يجوط فيني ادينتو ليه؟ سارة :جدا يا ماما ياعسل يلا دعواتك. تتمتم والدتها بدعوات لسارة منها أن تقتنع سارة بحسن ود خالها لعلها تترحم من التعب اللي هي فيهو ده. وصلت(سارة) الى الشارع الرئيسي لتركب المواصلات وهي تنتظر حافلة ركاب عادية مثلها مثل الكادحين من ابناء هذا الشعب..ولكن هيهات (فالهايسات ) تغازل فيها من حيث السرعة وعدم الانتظار ولكن ماذا تفعل(الهايييس بالف جنيه وهي عندها النية تجازف من الخمسة الفين للرصيد لزوم المسج والمسكول)... وفجأ تاتي تظهر (هايس) ينادي الكمساري (على خمسمية عربي الزمن على خمسمية) ....تحمد (سارة) ربنا أن انقذها وكانت اول الراكبين وتحركت (الهايس) ناحيةالعربي وكان كل هم (سارة) بان لا ينام الكمساري بباقي الخمسة الف ولم يهدأبالها حتى استلمتها.... والتقت ثنائي الدهشة (سارة)و(رباب) الباحثات عن عمل... وبعد السلام والعتاب المعتاد من انك مابتضربي تسألي مني ومابتردي على مسجاتي... سارة:اها يا ختي نركب شنو؟ رباب : أكلمك يا ظريفة العنوان بتاع الشركة دي في حتة ما بتجي بيها مواصلات. سارة : أها والحل؟ رباب: نركب تاكسي. سارة: جيد لينا يايمة (رباب) حتركبنا تاكسي. رباب: اركبك ليه براي نعمل sharing.. سارة : اكتر من الف ما عندي. رباب : انا ذاتي والله,,, ارحكي كدي نجازف مع عمك بتاع التاكسي ده شكلو راجل كبير وحيقدر ظروفنا. رباب: السلام عليكم ياعمو.. سائق التاكسي: اهلا بيك يا بتي على وين أن شاء الله. رباب: الشركة المتقدمة بالشارع ده طواااالي. سائق التاكسي : جدا يا بتي بخمسة الف, رباب: والله ياعمو ما عندنا غير الفين مفلسين شديد اكيد انت عارف ظروف العطاله وكده سائق التاكسي: والله يابتي انحنا ذاتنا بتاعين الامجاد والرقشات وقفوالينا شغلنا كلو كلو... لكن اركبن يابناتي انا عندي بنات زيكن... نظرت (رباب) الى (سارة) نظرة ملؤها الفخر بانها حققت انجاز كبييير.... وتحرك بهمالتاكسي وبداخله دار الحوار التالي: سائق التاكسي: انتو اتخرجتو ليكم كم سنة يا بناتي.. سارة: تلاتة سنة وستة شهور. سائق التاكسي : الله يعينكم والله يابناتي الحالة بقت صعبة خلاص.. سارة : أن شاء الله يا خال الله كريم . سائق التاكسي : بعرف لي شيخ كاربوالله يابناتي شوف عيني وسمع اضاني. رباب : ويييييييين ده وصفوا لي سريع عليك الله... سارة : شيخ شنو يا بت انتي الظاهر العطالة لحست ليكمخك شيخ شنو وكلام فارغ شنو؟؟؟ رباب : انتي مالك ومالي والله انا شفت (سلمى) بت جيرانا ديك بشناتهاوبلادتها اشتغلت احسن شغل وعرست ليها راجل يهز ويلز... قالوا مشت لشيخ كده. هو اسمو منو ياعمو؟ سائق التاكسي : بيقولوا ليهو الشيخ (أبو طاقية رباب : بس يا هو ذاتو... أديني وصفو عليك الله يا عمو... سارة : والله يا رباب جنيتي... رباب : آي جنيت هو اللي إحنا فيهو ده ما يجنن . وأخرجت (رباب) الورقةوالقلم وكتبت العنوان بالتفصيل الدقيق لعل يصلح (أبو طاقية) ما أفسدته العطالة. ونزلن (ثنائي الدهشة العجيب) الى مقر الشركة المقصودة هذه المرة وتمنيات وأمنيات بالاستقرار في هذه الشركة الأنيقة.... ودخلن إلى داخل المبنى وتوجهن ناحية موظفة الاستقبال وتهمس رباب لسارة: ووب علي يا (سارة) عايني نضافتهاوسماحتهاالتقول هي (المدير).. سارة : مافي سماحة قدر ده بس (التكييف) والمرتب البيسر البال. موظفة الاستقبال : اهلا وسهلا بيكم أي خدمة؟ سارة : جينا نقدم للوظائف المعلنة عندكم. موظفة الاستقبال : مرحب بيكم ممكن اشوف شهاداتكم. وتظهر الفايلات الأنيقة .المرتبة والشهادات ذات التقديرات الممتازة و وشهادات الخبرة التي لا حصر لها,,, وفجأة وكالعادة وكحال كل مرة ياتي ثنائي الدهشة للتقديم في مكان ما ويرجعن صفر اليدين غير انه تضاف الى ذاكرتهن جملة جديدة (معليش انتوخريجات 2006 ونحنا طالبين خريجين 2007 متأسفة جدا اتمنى ليكم حظ أوفر) وكالعادة تنظر كل واحدة الى الأخرى بكل الدهشة الفي العالم.... تصرخ (رباب) : جايييييييييااااك يا شيخ (أبو طاقية) ... أما (سارة) فتهمس : شكلها (أمي) دعت لي بالزواج من (حسن) مافي حل ملاحظات مهمة : الشيخ المذكور من إياهم طبعا ***** أي تطابق في الأسماء من قبيل الصدفة ليس إلا******* |
|
|
التعديل الأخير تم بواسطة منن عثمان ; 05-16-2010 الساعة 12:49 AM.
|
|
05-16-2010, 01:35 PM
|
#2 | |
|
شباب الميرغني
|
رد: مذكرات عاطلات....
وصلت(سارة) الى الشارع الرئيسي لتركب المواصلات وهي تنتظر حافلة ركاب عادية مثلها مثل الكادحين من ابناء هذا الشعب..ولكن هيهات (فالهايسات ) تغازل فيها من حيث السرعة وعدم الانتظار ولكن ماذا تفعل(الهايييس بالف جنيه وهي عندها النية تجازف من الخمسة الفين للرصيد لزوم المسج والمسكول)... نفسها فاتحي والله صاحبتك سارة دي  تعبير فكاهي جميل جداً بتنا مِنن... شكلنا موعودين في منتديات السادة الختمية بثنائي قصصي (عبد العظيم الطاهر ومنن عثمان) رهييييييييييييب...
والله يجازي الكان السبب في بهدلة سارة ورباب وُغِيرِن كتيييييييير... |
|
|
|
|
|
05-16-2010, 06:32 PM
|
#3 |
|
مُشرف الختمية أُون لاين
|
رد: مذكرات عاطلات....
لا حوله ولا قوة الا بالله بالجد الزمن بقى صعب الواحد ما عارف يبكي ولا يضحك غايتو الله يعينا ويعينكم ويوفقنا ويوفقكم لما يحب ويرضى وشكرا اختي |
|
|
|
|
07-21-2010, 09:17 PM
|
#4 |
|
شباب الميرغني
|
رد: مذكرات عاطلات....
يا اخواننا سارة ورباب ديل أخبارِن شنو ووصلَن لا وين؟؟؟
|
|
|
|
|
07-27-2010, 12:28 PM
|
#5 | |
|
مُشرف المنتدى العام
|
رد: مذكرات عاطلات....
يا اخواننا سارة ورباب ديل أخبارِن شنو ووصلَن لا وين؟؟؟ شكلهن كدة سارة اقتنعت بي ولد خالتها ( حسن ) ورباب لسة متابعة ابو طاقية 
|
|
|
|
|
|
07-31-2010, 11:00 AM
|
#6 |
|
شباب الميرغني
|
رد: مذكرات عاطلات....
شكلهن كدة سارة اقتنعت بي ولد خالتها ( حسن ) ورباب لسة متابعة ابو طاقية أها ديل موضوعِن الإتحَلَّ... رشا وتغريد حلَلِن شنوووووو؟؟؟
 |
|
|
|
|
| مواقع النشر (المفضلة) |
| كاتب الموضوع | منن عثمان | مشاركات | 5 | المشاهدات | 6843 |
|  |
| انشر الموضوع |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض العادي
