القبول يا رب - شباب الطريقة الختمية بدائرة ود ابراهيم بأم بدة
مجموعة مدائح ختمية.. شباب الطريقة الختمية بمسجد السيد علي الميرغني ببحري
|
|||||||
| المنتدى العام لقاء الأحبة في الله لمناقشة جميع المواضيع |
 |
|
|
أدوات الموضوع | إبحث في الموضوع | انواع عرض الموضوع |
03-13-2013, 04:32 PM
|
#1 | |
|
مُشرف المكتبة الصوتية
 
   |
عودة وفودة يا عثمان - محمد الحسن حميد
عودة وفودة يا عثمان محمد الحسن سالم "حِمِّيد"  "عاش أبو هاشم حوض العاشم" ... مرحبتين يا جايي وراسم فوق الشوق الفجر الباسم ... ضوَّا الوطن الزفَّ مواسم ودَّعْنَابَا الزمن الغاشِم أهلاً بيك يا زين يا طيِّب ... يا حَبُّوب للظَن مابْخَيِّب يا المبروك كُلْما انتَ قِرَيِّب ... فالْنا مطيرةْ خير وهِبَيِّبْ نَدَّت حالنا الطَوَّل كاتِم يا عوَّاض شعبك ما فاتُو ... يا رَوَّاض للريح وشتاتُو يا بيَّاض ظاهرو ونِيَّاتُو ... السودان عادْ بيك بي ذاتُو غَنُّو ليالِي الكانُو مياتِم أغلى سلام بي بسمة سلامك ... أحلى كلام لي نسمة كلامك يا اللِّي تواضْعَك علاَّ مقامك ... سودانية دي ولَّة مسامك سَيْ يا اْبْكَرَماً بغَّر "حاتِم" قابِض جمرك وين ما رُحتَ ... إتْجَرَّحت جَدعْ ما نُحْتَ شِنَّ النار يا صندَل فُحْتَ ... بي سر ألَقَك بُحْتَ ولُحْتَ يا التَخَرَجْتَ الفِكْر القاتِم جِيدْ بي جيتَك عُودَة وفُودة ... يا تُو طيوراً تنسى بِلُودا زي ما مكة اتْلَفُّو وِفُودا ... الخرطوم ازدانَتْ قُودا عديلة مَنَفَّل يا ابن "الخاتِم" ياتُو ديموقراطية بتَبْقى ... وين حُرية بدونَك تلقى لونا اللَّحَمَر زي الطلقة ... كُونا اللَّخَدر تُوب المَرْقة الحياة حق مدَدْ يا ابو هاشم حلفا تزِف لي نمولي قدومك ... بارا تبارك لي سَلُّومك النيلين قَلَدَنْ خرطومك ... يا تاريخنا الليلة دا يومك يوم السَّعْد اب مُوج متلاطم جُملة يحبَّك وربك عالم ... شعباً حاني انساني مُسالم دُوغري واماني مُو فقري وصارم ... وكيف حقاني عليهو الظالم ... طالع زيَّك وزَيُّو ملاحم حيُّو الشعب ... تحيُّوا ابو هاشم جِدَنْ جيت يا جاد يا جيِّد ... يا أجْوَاد يا دابنَا نعيِّد أفتَح بابك يا شاهد وقيِّد: ... "نحن نأيِّد حزب السيِّد" "عاش أبو هاشم حوض العاشم" |
|
|
|
|
03-13-2013, 04:44 PM
|
#2 | |
|
شباب الميرغني
|
رد: عودة وفودة يا عثمان - محمد الحسن حميد
دعواتنا بالرحمات والمغفرة لروح الشاعر الصادق محمد الحسن سالم (حمِّيد)... نسأل الله أن يُعلي مراتبه في جنات الفردوس يااااب... شكراً حبيبنا مصطفى لهذه التذكرة الطيبة... |
|
|
|
|
|
03-14-2013, 10:40 AM
|
#3 |
|
 
|
Re: عودة وفودة يا عثمان - محمد الحسن حميد
أهلاً بيك يا زين يا طيِّب ... يا حَبُّوب للظَن مابْخَيِّب يا المبروك كُلْما انتَ قِرَيِّب ... فالْنا مطيرةْ خير وهِبَيِّبْ نَدَّت حالنا الطَوَّل كاتِم يا عوَّاض شعبك ما فاتُو ... يا رَوَّاض للريح وشتاتُو يا بيَّاض ظاهرو ونِيَّاتُو ... السودان عادْ بيك بي ذاتُو غَنُّو ليالِي الكانُو مياتِم أغلى سلام بي بسمة سلامك ... أحلى كلام لي نسمة كلامك
يا اللِّي تواضْعَك علاَّ مقامك ... سودانية دي ولَّة مسامك سَيْ يا اْبْكَرَماً بغَّر "حاتِم" اللهم تقبل عبدك حميد قبولا حسنا |
|
|
التعديل الأخير تم بواسطة الأمين حسين بخيت ; 03-14-2013 الساعة 10:43 AM.
|
|
| مواقع النشر (المفضلة) |
| كاتب الموضوع | مصطفى علي | مشاركات | 2 | المشاهدات | 4474 |
|  |
| انشر الموضوع |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض العادي
