القبول يا رب - شباب الطريقة الختمية بدائرة ود ابراهيم بأم بدة
مجموعة مدائح ختمية.. شباب الطريقة الختمية بمسجد السيد علي الميرغني ببحري
|
|||||||
| السادة المراغنة وخُلفاء الطريقة الختمية مساحة توثيقية للسادة المراغنة وخلفاء الطريقة الختمية |
إهداءات ^^^ ترحيب ^^^ تهاني ^^^ تعازي ^^^ تعليقات ^^^ إعلانات |
|
 |
|
|
أدوات الموضوع | إبحث في الموضوع | انواع عرض الموضوع |
06-21-2015, 11:50 AM
|
#1 | |
|
شباب الميرغني
 
 |
الخليفة عبد الحليم صديق - منطقة الديم القديم...
الإخوة الكرام... السلام عليكم ورحمة الله وبركاته... كتب الأُستاذ عمر عثمان عن جده الخليفة عبد الحليم صديق:  المرحوم الخليفة/عبدالحليم صديق - جدي لأبي كان خليفة خلفاء السيد علي بمنطقة الديم القديم ، مما يحكي عنه :-
(1) كان يعمل بالتجارة ولديه دكان يتجمع امامه اهل الحي للونسة ومناقشة امور الحي وبحكم سنه وكونه خليفة الخلفاء كانوا يعتبرونه كبيرهم ورئيس مجلس شورتهم ، والرواية يحكيها احد ابناء الحي انهم ذات نقاش وعندما اراد ان يتحدث نهره الخليفة وطلب منه ان يسكت !! انفض المجلس عقب صلاة العشاء وبعد ان خلد الراوي الي النوم سمع طرقا علي بابه نهض مذعورا وفتح الباب فاذا به يجد الخليفة امامه... ! ان شاء الله خير ياخليفة ? ابدا ما خير يا فلان !! في شنو يا خليفة الحصل شنو قلقتني ? انا غلبني النوم لأني قبيل في المجلس قلت ليك اسكت وده كلام غلط مني وانا منو عشان اقول ليك اسكت وامنعك الرأي وهسا دحن لازم اسمع منك انت كنت داير تقول شنو وباكر تاني تجي في المجلس واعتذر ليك قدام الرجال وتقول كلامك تاني. والله ياخليفة انت ابونا وكبيرنا وكلامك فوق رأسنا وانا تب ما زعلت قبيل ورغم اني ما زعلان لكن عشان انت تقدر تمشي تنوم انا قبلان كلامك ده والعفو والعافية. (2) ذات يوم تعرض دكان الخليفة للسرقة واجتهد رجال البوليس وقصاص الأثر في تتبع أثار الحرامية، حتي وصلوهم وقبضوهم بالمسروقات علي بعد مشوار ومسافة بعيدة جدا ، عادت قوة البوليس والحرامية والمسروقات ولقوا الناس في وكت الفطور. ابشر ياخليفة ديل ياهم الحرامية ودي حاجاتك مشكورين يا رجال تعال ياعثمان دخل الحاجات دي جوه الدكان وجيبو فطور وموية للجماعة ديل الجماعة منو يا ابوي ? اخوانك ديل ناس البوليس والجماعة المعاهم يا خليفة ديل حرامية ياجماعة الناس ديل أولي مني ومنكم بالأكل والموية يتلقي هم طول الليل جارين وخايفين الجماعة فطروا وغسلوا وشربوا الشاي اها يا ناس البوليس كتر خيركم وما قصرتوا تب دحن الناس ديل انا عفيت عنهم لوجه الله تعالي وبدوركم تعفوا عنهم ومن محلكم ده تفكوهم وعفي الله عما سلف.. |
|
|
|
|
06-24-2015, 11:36 AM
|
#2 | |
|
المُشرف العام
|
رد: الخليفة عبد الحليم صديق - منطقة الديم القديم...
بشرى لكم ياصحاب الختم قاطبةً && من مثلكم فى الورى قد نال أوينل مانلتم غيركم يُسند لاخبار وانتم &&&&& تسندوا عن النبى عل فى كل يومٍ يجيكم باشرن يقلن &&& بشراكم قال لى المختار فى حفلٍ بأنكم ذروة الاخيار كم بُشرٍ &&&&&& فيا الخليفة دم شكراً بلاملل |
|
|
|
التعديل الأخير تم بواسطة سراج الدين احمد الحاج ; 06-24-2015 الساعة 11:43 AM.
|
|
07-27-2015, 12:45 PM
|
#3 | |
|
مُشرف الفقه والعبادات
|
رد: الخليفة عبد الحليم صديق - منطقة الديم القديم...
يا سلام علي أخلاق الخلفاء في ذلك الأوان وتعاملهم الراقي ومنطقة الديم فيها الختمية نيرانها حية زي ما بقول المثل وبحمد لله تشرفنا بلقاء الخليفة حاج ميرغني رحم الله الميتين منهم ونسال الله العافية للاحياء منهم أجمعين فكان مدرسة في طريق القوم ومن المنشدين أتذكر الخليفة النورصاحب الصوت الشجي وكان عنده محل لتصنيع أباريق الحديد ومحله ملاصق لمسجد الخليفة حاج ميرغني ،،، رحمهم الله بقدر محبتهم وبقدرما قدموا للطريقة الختمية ونسأل الله أن ينفعنا بجاههم وجاه مشايخهم الكرام |
|
|
|
|
|
07-29-2015, 04:01 AM
|
#4 | |
|
|
Re: الخليفة عبد الحليم صديق - منطقة الديم القديم...
الخليفة ميرغي عبد الجليل وأخوانه الخلفاء علي وحسن عبد الجليل عليهم رحمة الله اهل طريق بحق |
|
|
|
|
|
| مواقع النشر (المفضلة) |
| كاتب الموضوع | أبو الحُسين | مشاركات | 3 | المشاهدات | 9351 |
|  |
| انشر الموضوع |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض العادي
