القبول يا رب - شباب الطريقة الختمية بدائرة ود ابراهيم بأم بدة
مجموعة مدائح ختمية.. شباب الطريقة الختمية بمسجد السيد علي الميرغني ببحري
|
|||||||
| المنتدى العام لقاء الأحبة في الله لمناقشة جميع المواضيع |
إهداءات ^^^ ترحيب ^^^ تهاني ^^^ تعازي ^^^ تعليقات ^^^ إعلانات |
|
 |
|
|
أدوات الموضوع | إبحث في الموضوع | انواع عرض الموضوع |
12-17-2013, 10:38 PM
|
#1 | |
|
شباب الميرغني
 
 |
لو مشينا فُوق الدِّريب دا... بي نصل إن شاء الله...
الإخوة الكرام... السلام عليكم ورحمة الله وبركاته... قصة عجيبة إستوقتني من تاريخنا العظيم الذي يجب أن نُباهي ونُفاخِر به الأُمم... يجب أن ندرسها ونعلمها لأبنائنا لما فيها من مكارم للأخلاق والإيثار وبيع الدُنيا الفانية مُقابل الآخرة... تقول القصة في ما معناها: شاب يتيم جاء لي سيدنا النبي صلى الله عليه وآله وسلم... شكالُو من جارُو (بالتَقْنَتْ) عندو حيطة داير يبنيها عتَّرَتْلُو تمرة من إنقاية جارُو مشاتري لا برَّة... الولد اليتيم طلب من صاحب التمرة يبيعها ليهو ولة يدِّيها ليهو ساكت... رفض تَبْ... "كان داير تقُول كُعُوبيي قول... كان داير تقول حق وحقوق قول"... المُهم في الآخر رفض... الوليد اليتيم رفع شكواهُو لي سيدنا النبي صلى الله عليه وآله وسلم... طلب المُصطفى من الرجل أن يهب النخلة لجاره اليتيم أو يبيعها له... فرفض في الحالتين... أكَّد له الحبيب بأن مقابل هذه الصفقة ربحاً كبيراً... (نخلة في الجنة يسير الراكب تحت ظلها مائة عام)!!! برضُو رفض... وقال بس تمرتي دي ماني داير غيرها!!! الصحابة الكرام (رضوان الله عنهم) كانُوا حضوراً لهذا الحوار... فيهم واحد من سُعداء الدُنيا والآخرة... يقال له (أبو الدحداح)... قال لي حضرة النبي لو أنا إشتريت هذه النخلة ووهبتها لليتيم يكون لي مثلها في الجنة؟؟؟ قال له الحبيب صلى الله عليه وآله وسلم نعم... قام براااااحة بارَى سيد التمرة مرَق وراهُو... قال ليهو يا اخوي تعرف بستان أبو الدحداح؟؟؟ قال لي منو الماب يعرفُو... دَحِينْ دا مُو ياهُو الفيهو 600 تمرة وقصْراً سمممممح وبيراً حلوي وحيطاناً عالااااات... وكل التجار يبيعُو ويشتروا منو؟؟؟ قال ليهو ياهُو بالحيييييل... أها نان السيرة دي لي شنو؟؟؟ قال ليهو تبادلني بي بستاني دا وتديني التمرة الجنب واطات اليتيم؟؟؟ قال ليهو التمرة طايري... وبي قلبُو قال: "أرِيتَا دي تمُرْةَ السرور الاتْقَلَبت الهُوبَا وبَدَل ما كان تحُشَّلها كِيلَة جابَتْلها ساقِي من قَعَرَها"!!! أنا راضي ويلاَّكَا علي سيدنا النبي النسجل البيعة دي... وصدُّوا بي دَرِبُن لقُو مجلس سيدنا النبي لليلي ما اتفرتَكْ... وسجلو البيعة... ووثَّقُوها... وعلى طُول سيدنا أبو الدحداح وهَب النخلة للشاب اليتيم... وجاء راجع لي سيدنا النبي... متسائلاً عن نخلته في الجنة... فأجابه الحبيب المصطفى بأن ليس له أي نخلة في الجنة!!! ولكنه استطرد سريعاً صلى الله عليه وآله وسلم مُبشراً هذا الصحابي العظيم: (كم من عذق رداح لأبي الدحداح في الجنة،، كم من عذق رداح "مليئ بالثمار" لأبي الدحداح في الجنة)... يعني بدل بستانُ ودا... فاز بي بساتين مُثمرة في الجنة حلالي بيهُو... أها القصة وين ساعتُو المشى لي مرتُو... قال ليها يا حاجة لمي عِدَادِك وامُرقَاكي من القصر دا.. علي وين يا حاج؟؟؟ قال ليها خلاص بعناهُو... فرحت كعادتها... عشان عارفي راجلها تاجراً شاطر... أكيد راقِد ليهو فوق بيعة مااااااااها هيني... أها بعتُو بي كم؟؟؟ - والله بعتُو بي تمرةً عرييييييييييشي في الجنة... أسرع حصان ما يقطع ضُلَّها في مية سني... إيه يا يابة الواطة في خشمك... هسع عليك الله ماب تخجَل تمرق وليداتك من بيتُن... وتمُرن المِتْهَادي دا في سهَلْةَ الله سااااااااكت... بالله دا جنْسُو كلام دا... الشكيي لاب إيداً قويي!!! هسع نودِّي وشينا من الجيران وين يقُولُو باعُو حقَّهُنْ وبيتُن الساكنين فيهُو!!! وهسع مستقبل الولاد ديل شنُو... لا ضُل حيطة ولا راكُوبْةً ينضارُو فيها!!! الكلام دا كان حا تقولو واحدي من حقاتنا ديل... لكن أُم الدحداح حاشاها والله... قالت ليهو... (ربح البيع أبو الدحداح، ربح البيع)... وبس تاني ما اتْلَفَتَت علي قَفَاهَا... من وقفتها دي وعلي الباب عِدِل... حتى سبحان الله كان في واحد من وليداتها... ياكُلُّو في تمرايِي قَلَعتها من خشيمُو مرقتها... قالتْلُو دا تاني بقى مااااااهُو حقَّنا يا ولدي... مُتابعتي لهذه القصة وما يحدث الآن من جشع وهلع أصاب الكثيرين منا وكأنا في غابة وحوش... من يجد فرصة في أخيه يغتنمها... "ولو يسقِّط حجرو"... يجعلني أجزم بأن مُدارسة قصص الصالحين -كهذه- تهدي إلى الفلاح... فيجب على علمائنا الكرام إبراز مثل هذه الدروس والعِبَر بدلاً من الصراعات التي في الغالب تُزيد الهُوَّة بين المسلمين... وفي خضمها تضيع مثل هذه القيم الجميلة... نتمنى أن نرى بيننا الكثير ممن ينوي المسير على نهج سيدنا أبي الدحداح... وغيره من أئمة الهدى والصلاح... فبِأيِّهِم إقتدينا، إهتدَيْنا... أو كما قال صلى الله عليه وآله وسلم... |
|
|
|
|
12-17-2013, 10:57 PM
|
#2 | |
|
المُراقب العام
|
رد: لو مشينا فُوق الدِّريب دا... بي نصل إن شاء الله...
شكراجزيلا جميلا أبو الحسين قصة جميله ورائعة ونعم التذكرة هذه ربح البيع ربح البيع إن شاء الله وصلى الله على سيدنا الحبيب المصطفى صاحب الحكمة الحليم الرؤف الرحيم بالمؤمنين ورضي الله عن أبو الدحداح الصحابى الجليل وزوجته القنوع الرضية ..ابوالحسين سردك للقصة بالشايقى ممتع وشيق الحقيقة الكليمات ديل ما ما بوفنها حقها خلينى امشى واجيك راجعى اقعد ليها قعده خاصة إن شاء الله لك التحايا النواضر ودمت بخير مديرنا الفاضل
|
|
|
|
|
|
12-18-2013, 07:07 AM
|
#3 |
|
شباب الميرغني
|
رد: لو مشينا فُوق الدِّريب دا... بي نصل إن شاء الله...
شكراجزيلا جميلا أبو الحسين قصة جميله ورائعة ونعم التذكرة هذه ربح البيع ربح البيع إن شاء الله وصلى الله على سيدنا الحبيب المصطفى صاحب الحكمة الحليم الرؤف الرحيم بالمؤمنين ورضي الله عن أبو الدحداح الصحابى الجليل وزوجته القنوع الرضية ..ابوالحسين سردك للقصة بالشايقى ممتع وشيق الحقيقة الكليمات ديل ما ما بوفنها حقها خلينى امشى واجيك راجعى اقعد ليها قعده خاصة إن شاء الله لك التحايا النواضر ودمت بخير مديرنا الفاضل أُستاذة بت الخليفة الطاهر... السلام عليكم ورحمة الله وبركاته...
أهلاً بيك في هذه المساحة الطيبة من حب الخير للآخرين والشوق لجنات عرضها السموات والأرض مُقابل إنقايي ولة إنقايتين في الدنيا الزائلة... حقيقي يا بت الخليفة مثل هذه القصص لو بدأنا نغرسها في نفوس جيل اليوم لأخرجنا شباب مُؤْسِر ومُؤَثِّر... همه الآخرة ويسخر الله له الدنيا... أما حكاية سردها بالشايقي... أمس كُنا قاعدين نتعشى... أها حكيت القصة دي بي نفس الطريقة دي لي ضيفي المَعاي... فقامت استهوتني الحكايي دي... قُلت ما أقوم أصيغا بي طريقتنا... يمكن تكون فيها تشويق في القرايي وقد حصل... شكراً لمرورك الكريم... وربنا يهدينا والجميع إلى طريق سيدنا أبو الدحداح ويلزمك وبناتنا الكرام قناعة أُم الدحداح ويجمعنا جميعاً في إحدى بساتينهم في الجنة ياااااااااارب... |
|
|
|
|
12-18-2013, 09:51 AM
|
#4 | |
|
مُراسل منتديات الختمية
|
رد: لو مشينا فُوق الدِّريب دا... بي نصل إن شاء الله...
جميلة يا الحبيب القصة ... سرد ممتع وشيق ... ربنا يعيننا على أن نؤثر على أنفسنا ولو كان بنا خصاصة ... |
|
|
|
|
|
12-18-2013, 12:37 PM
|
#5 |
|
شباب الميرغني
|
رد: لو مشينا فُوق الدِّريب دا... بي نصل إن شاء الله...
جميلة يا الحبيب القصة ... سرد ممتع وشيق ... ربنا يعيننا على أن نؤثر على أنفسنا ولو كان بنا خصاصة ... وحقيقي في تأمُّل قصصهم الفلاح والنجاح... لو كنا نعلم...
|
|
|
|
|
12-18-2013, 10:00 PM
|
#6 | |
|
 
|
Re: لو مشينا فُوق الدِّريب دا... بي نصل إن شاء الله...
تعرف يا مولانا ابوالحسين الناس ديل شافو نور النبى عليه الصلاة والسلام ( وهو النور الذى أشرقت به الدنيا كلها ) .. فصارت الدنيا وما فيها لا تساوى عندهم جناح بعوضة .. روى أبو سعيد الخدرى رضى الله عنه عن رسول الله صلى الله عليه وسلم أن رجلا قال له يا رسول الله طوبى لمن رآك وآمن بك قال طوبى لمن رآنى وآمن بى ثم طوبى ثم طوبى ثم طوبى لمن آمن بى ولم يرنى قال له رجل وما طوبى قال شجرة فى الجنة مسيرة مائة عام ثياب أهل الجنة تخرج من أكمامها ... والحديث فى مسند الامام أحمد ( باقى مسند المكثرين ) اه
|
|
|
|
التعديل الأخير تم بواسطة عصام عابدين محمد ; 12-19-2013 الساعة 04:00 AM.
|
|
12-19-2013, 08:07 AM
|
#7 |
|
شباب الميرغني
|
رد: Re: لو مشينا فُوق الدِّريب دا... بي نصل إن شاء الله...
تعرف يا مولانا ابوالحسين الناس ديل شافو نور النبى عليه الصلاة والسلام ( وهو النور الذى أشرقت به الدنيا كلها ) .. فصارت الدنيا وما فيها لا تساوى عندهم جناح بعوضة .. روى أبو سعيد الخدرى رضى الله عنه عن رسول الله صلى الله عليه وسلم أن رجلا قال له يا رسول الله طوبى لمن رآك وآمن بك قال طوبى لمن رآنى وآمن بى ثم طوبى ثم طوبى ثم طوبى لمن آمن بى ولم يرنى قال له رجل وما طوبى قال شجرة فى الجنة مسيرة مائة عام ثياب أهل الجنة تخرج من أكمامها ... والحديث فى مسند الامام أحمد ( باقى مسند المكثرين ) اه هلا بيك يا هندسة...
كلامك مية المية... وحقيقي لو سرنا على نهجهم لأفلحنا في الدارين... إستوقتني مقولة عظيمة لسيدنا أبي الدرداء (رضي الله عنه) رداً على شيبيي بعضنا لي فوق... في ما معنى كلامه يا الحبيب: أهل القروش ياكلُو ونحن ناكل زييييييييييييييهم.. ويشربُو ونحن نشرب زييييييييييييهم... هُم عندهم فايِض من القروش يعايْنُولُو ونحن نعايِلُّو معاهُم... لكن يتحاسبُوبُو برااااااااهُم... شفت الحكم دي يا م. عصام... بس منو اليخُت اليقين في قلبو... نسأل الله أن يكسينا وإياكم بثوبه... |
|
|
|
|
12-19-2013, 09:57 AM
|
#8 |
|
|
Re: رد: Re: لو مشينا فُوق الدِّريب دا... بي نصل إن شاء الله...
جزاك الله خيرا سيدى وكثر الله من أمثالك .. والله كلامك سمح بالحيل .. زادنا الله جميعا ايمانا ويقينا واكرمنا بشوفة الحبيب ونوره الضاوى الما بيقيف قدامه ضلام آمين
|
|
|
|
|
12-22-2013, 02:04 AM
|
#9 |
|
|
رد: لو مشينا فُوق الدِّريب دا... بي نصل إن شاء الله...
الحبيب ابو الحسين بارك الله فيك وجعل ذلك في ميزان حسناتك وجعلها موعظة للغافلين عبُاد الدنيا والمال اللهم اجعلنا من ..من يستمعون الى القول فيتبعون احسنه واحشرنا في زمرة رسول الله صلى الله عليه وسلم واصحابه الغر الميامين درس لين له الحجر فما بالك بقلب البشر دمت بالف خير اخي ابو الحسين |
|
|
التعديل الأخير تم بواسطة عيدابي ; 12-22-2013 الساعة 05:16 AM.
|
|
01-03-2014, 07:09 PM
|
#10 | |
|
شباب الختمية بالجامعات
|
رد: لو مشينا فُوق الدِّريب دا... بي نصل إن شاء الله...
سرد ممتع وبأسلوب ولغه أهلنا الشايقيه تسلم ابو الحسين وبالجد لو مشينا في الدرب دا فرد عوجه تاني مافي |
|
|
|
|
|
01-04-2014, 01:53 PM
|
#11 | |
|
|
رد: لو مشينا فُوق الدِّريب دا... بي نصل إن شاء الله...
ياسلآم عليك يااستاذنا قصة جليلة القدر بارك الله فيك |
|
|
|
|
|
01-26-2014, 10:40 AM
|
#12 | |
|
|
رد: لو مشينا فُوق الدِّريب دا... بي نصل إن شاء الله...
أما حكاية سردها بالشايقي... أمس كُنا قاعدين نتعشى... أها حكيت القصة دي بي نفس الطريقة دي لي ضيفي المَعاي... فقامت استهوتني الحكايي دي... قُلت ما أقوم أصيغا بي طريقتنا... يمكن تكون فيها تشويق في القرايي وقد حصل... يعلم الله يا ابو الحسين طعمت القصة بالحيل ... |
|
|
|
|
|
10-16-2016, 01:24 PM
|
#13 |
|
شباب الميرغني
|
رد: Re: رد: Re: لو مشينا فُوق الدِّريب دا... بي نصل إن شاء الله...
جزاك الله خيرا سيدى وكثر الله من أمثالك .. والله كلامك سمح بالحيل .. زادنا الله جميعا ايمانا ويقينا واكرمنا بشوفة الحبيب ونوره الضاوى الما بيقيف قدامه ضلام آمين الله يكرمك في الدارين يا حبوب... ولا تنسانا من صالح دعواتكم... وليك مدة ما ظهرت يا حبيب عساك طيب...
|
|
|
|
|
12-18-2016, 12:39 PM
|
#14 |
|
شباب الميرغني
|
رد: لو مشينا فُوق الدِّريب دا... بي نصل إن شاء الله...
الحبيب ابو الحسين بارك الله فيك وجعل ذلك في ميزان حسناتك وجعلها موعظة للغافلين عبُاد الدنيا والمال اللهم اجعلنا من ..من يستمعون الى القول فيتبعون احسنه واحشرنا في زمرة رسول الله صلى الله عليه وسلم واصحابه الغر الميامين درس لين له الحجر فما بالك بقلب البشر دمت بالف خير اخي ابو الحسين تقبل الله دعواتك حبيبنا أبو أحمد... ونسأل الله أن يلزمنا وإياكم طريق القُرب والصلاح... |
|
|
|
|
12-20-2016, 01:49 PM
|
#15 | |
|
|
رد: لو مشينا فُوق الدِّريب دا... بي نصل إن شاء الله...
يا سلام وربح البيع قصة تدعو لكل القيم الجميلة تسلم يا مولانا |
|
|
|
|
|
| مواقع النشر (المفضلة) |
| كاتب الموضوع | أبو الحُسين | مشاركات | 14 | المشاهدات | 13918 |
|  |
| انشر الموضوع |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض العادي
