مُنتديات الختمية - إنت إن شالله لى تظهر (من روايع الشيخ الجيلى الحفيان )

مُنتديات الختمية (https://www.khatmiya.com/vb/index.php)

- النّور البرّاق (https://www.khatmiya.com/vb/forumdisplay.php?f=4)

إنت إن شالله لى تظهر (من روايع الشيخ الجيلى الحفيان )

إنت إن شالله لى تظهر
إنت إن شالله لى تظهر *أمتع بالنظر عينى *وأفوز برؤيتك وانسر
************************
شوقك يا عظيم الذات جلس جواى واتحكر
داب القلب من ناروا ودمع العين اتقطر
ذى شوق النياق الهيق واصعب يا حبيب واكتر
*******
أحاول اكتم الآهات الملم فيها تتبعثر
متين ياربى بالقيا ومتين كسر العظام يجبر
ومتين الهم يزول يرحل فى باطن الأرض يحشر
متين الصبح يتنفس وشمس الحب تتطل تظهر
واشوف الهادى بعينى أجر ازيالى واتبختر
**********
كفاية الهجر يا سيدى خلاص والله ما يقدر
شوفتك للفؤاد راحة ومنها الروح تهيم تسكر
سبا للعقول حسنك كانك للجمال مسطر
أنا بردد فيك أمداحى دوام ولكن ما بقدر
***********
شعرك يا مليح اللون كالليل البهيم أسود
أدعج واسع العينين أهدب بل اسيل الخد
أه جميلة وبيضة أسنانك جمال الخلى فات الحد
وريحك كالمسك فواح يفوق عطر الزهر وأكتر
***********
يلاقى الورد بسام لوصخاب ولا بضجر
تجود كالغيث يمناه إذا عبث الزمأن وأدبر
شجاع تختشى الأبطال تذكر واقعة خيبر
بى أى الفرحتين أفرح بخيبر أم قدوم جعفر
***********
بروقا يا خى هدي قصاد أم سور بدت تظهر
وصار دمع العيون جارى قليب العاشق اتفطر
أه لو ترحم الأيام يفك أسرى وهناك أظهر
أقبل وألثم التربة ما بين القبر والمنبر
**********
صلاة تملىء الأفاق عليك يا شافع المعشر
تعم الك مع الأصحاب أهل البيعة الندر
رجال أسسوا للدين وبيهم رب العباد بشر
تزول للجيلى الاموا ويشرب من رحيق أكتر

رد: إنت إن شالله لى تظهر (من روايع الشيخ الجيلى الحفيان )

أحاول اكتم الآهات الملم فيها تتبعثر[font="simplified arabic"]
متين ياربى بالقيا ومتين كسر العظام يجبر
ومتين الهم يزول يرحل فى باطن الأرض يحشر
متين الصبح يتنفس وشمس الحب تتطل تظهر
واشوف الهادى بعينى أجر ازيالى واتبختر

صلى الله عليك يا سيدى يا رسول الله

[/font]

رد: إنت إن شالله لى تظهر (من روايع الشيخ الجيلى الحفيان )

كفاية الهجر يا سيدى خلاص والله ما يقدر
شوفتك للفؤاد راحة ومنها الروح تهيم تسكر
سبا للعقول حسنك كانك للجمال مسطر
أنا بردد فيك أمداحى دوام ولكن ما بقدر

الشكر أجزله لك الأخت الاستاذة /منال حسن ...
على هذه القصيدة الرائعة ..من روائع الشيخ الجيلى الحفيان..رضى الله عنه...
وفى انتظار المزيد والمزيد ...ووفقك الرحمن دائماً...

رد: إنت إن شالله لى تظهر (من روايع الشيخ الجيلى الحفيان )

الخليفة سراج الدين الشكر ليك يا خليفتنا ربنا أكرمك ربنا اكرمك ربنا أكرمك كرم ماليه حدود