صباحك نور واشراقات العسل المصفى البيعشرق فى الحلق الختمية(نفيسة) رشقت رحيقها وعشرق حلقها العسايل والله يانفيسة شوق ومحبة بلا حدووووود عارفة يا نفيسة مرات ما باقدر ارد عليك عديل بس انتى عبارة عن عجوة معطونة فى عسل انتى فاكهة وروح المنتدى كلو اه يانفيسة بريدك شدييييد تعالى عند حبيبى وحبيبك ونبل شوقنا ونمدح فى حرمه الشريف اه مشتاقة لمديحك والرقص معك وانت منتشية فرحانة طربة الروح والقلب فى حالة جذب سكر المحبة وانتى ترددى مديح المصطفى صلى الله عليه وسلم بالجد مشتاقة للحظة نرقص نصفق فرحة يافطين عندى طلب منك دايره انقل نماذج من محبة الصحابة للبنى صلى الله عليه وسلم من بوست يااااحبيبي ياااامحمد الى بوست محبة النبى حتى تكتمل الصورة و نزداد محبة على محبة ونحاول نقتدى بالصحابة فى حبهم وتفانيهم فى محبتة حتى نموت ونذووب اكثر فى محبته صلى الله عليه وسلم دعواتك فى هذا الشهر العظيم ياست الناس وست البنات كلهم ! انا لما اكون معاك يانفيسة بحس بزيادة الايمان والمحبة الصادقة والله يا نفيسة ما لاقيت زي ذوبانك فى محبة الحبيب المحبوب فى الختمية كلهم حد الآن ماعندك منافس اه من روحك الجمالية!!