ﻛﻴﻒ ﻣﺎ ﺗﺪﺧﻞ ﺍﺳﺮﺍﺋﻴﻞ ؟
////////////////////////////
ﺗﻄﻮﺭ ﻣﺎﺷﻲ ﺑﺎﻟﻤﻬﻠﺔ
ﻭﺍﺟﻮﺍﺀ ﻓﺎﺗﺤﺔ ﻓﻲ ﺍﻟﺴﻬﻠﺔ
ﻣﺎ ﺩﺍﻳﺮﻳﻦ ﻧﻘﻮﻝ ﺟﻬﻠﺔ
ﺑﺲ ﺑﻨﻘﻮﻝ ﻛﻔﺎﻳﺔ ﻋﺪﻳﻞ
ﻭﻛﻴﻒ ﻣﺎ ﺗﺪﺧﻞ ﺍﺳﺮﺍﺋﻴﻞ
...
ﺍﺫﺍ ﻓﻬﻢ ﺍﻟﺤﻜﻮﻣﺔ ﺗﻘﻴﻞ
ﺑﺎﻟﺤﻖ ﻭﺍﻟﻜﻀﺐ ﺑﺘﺸﻴﻞ
ﻓﺎﺿﻞ ﺑﺲ ﺗﺒﻴﻊ ﺍﻟﻨﻴﻞ
ﺍﻛﻴﺪ ﺗﻀﺮﺑﻨﺎ ﺍﺳﺮﺍﺋﻴﻞ
...
ﺍﺫﺍ ﻛﺎﻥ ﺍﻟﺘﻄﻮﺭ ﻣﺎﻑ
ﻭﺣﺰﺏ ﺍﻟﻤﺆﺗﻤﺮ ﻫﺪﺍﻑ
ﻳﺸﻴﻞ ﺭﻳﻖ ﺍﻟﻐﻼﺑﺔ ﺍﻟﺠﺎﻑ
ﻭﻣﺎ ﻳﺤﻤﻴﻨﺎ ﻟﻤﺎ ﻳﺸﻴﻞ
ﺍﻛﻴﺪﺗﻀﺮﺑﻨﺎﺍﺳﺮﺋﻴﻞ
...
ﺍﺫﺍ ﻛﺎﻥ ﺧﺪﻣﺔ ﻭﻭﻃﻨﻴﺔ
ﻭﻭﺍﺳﻄﺎﺕ ﺧﺪﻣﺔ ﻣﺪﻧﻴﺔ
ﺍﻛﻴﺪ ﻣﺎﻑ ﻗﻮﺓ ﺑﺪﻧﻴﺔ
ﻭﺍﻛﻴﺪ ﺑﺼﺒﺢ ﺩﻓﺎﻋﻨﺎ ﻫﺰﻳﻞ
ﻭﺍﻛﻴﺪ ﺗﻀﺮﺑﻨﺎ ﺍﺳﺮﺋﻴﻞ
...
ﻗﺮﻭﺷﻨﺎ ﺍﻟﻠﻴﻠﺔ ﺭﺍﺣﺖ ﻭﻳﻦ
ﻛﺒﺎﺭﻳﻨﺎ ﻭﺳﺪﻭﺩ ﺑﺎﻟﺪﻳﻦ
ﻓﻮﻕ ﺍﻟﻐﻠﻄﺔ ﻗﻮﺓ ﻋﻴﻦ
ﺿﺮﺍﺋﺐ ﻣﺎﻓﻲ ﻟﻴﻬﺎ ﻣﺜﻴﻞ
ﻭﻛﻴﻒ ﻣﺎ ﺗﺪﺧﻞ ﺍﺳﺮﺍﺋﻴﻞ
...
ﻋﺪﻡ ﺷﻐﻠﺔ ﻭﻋﺪﻡ ﻣﻮﺿﻮﻉ
ﺍﺫﺍ ﻛﺎﻥ ﺍﻟﻀﻤﻴﺮ ﻣﻨﺰﻭﻉ
ﻛﻴﻒ ﺍﻟﺸﻌﺐ ﻣﺎ ﺑﻴﺠﻮﻉ
ﻭﻛﻴﻒ ﻣﺎ ﺑﺘﺪﺧﻞ ﺍﺳﺮﺍﺋﻴﻞ
...
ﺑﻘﻮﻝ ﻟﻠﺬﻛﺮﻱ ﻭﺍﻟﺘﺎﺭﻳﺦ
ﺩﻓﺎﻉ ﺭﺍﻗﺪ ﺯﻱ ﺍﻟﺒﻄﻴﺦ
ﻛﺄﻧﻮ ﺷﻮﺍﺭﻉ ﺍﻟﻤﺮﻳﺦ
ﻟﻜﻞ ﺍﻟﻘﺎﺭﺓ ﻓﺎﺗﺤﺔ ﺳﺒﻴﻞ
ﻭﻛﻴﻒ ﻣﺎ ﺗﺪﺧﻞ ﺍﺳﺮﺍﺋﻴﻞ