[ودمحجوب الدهمشي]

الحمدلله الذى بنعمته تتم الصالحت
اليوم أنا عملت مناشده عشان ما يحصل احتكاك ومشاكل من ناسنا فى دائرة الدبه وبالتحديد فىمنطقة قنتى منصوركتى فقيرنكتى الكلد مع ناس المؤتمر أثتاء احتفالهم بفوزهم المزعوم لكن الحمدلله حصل العكس
من غرائب الانتخابات أن يحتفل من يدعون خسارته وأن لا يستطيع الاحتفال من يدعى الفوز ويبدو أصغر من السمسمه لأنه يعلم علم اليقين بأنه فوزا مزورا 0 قالها لهم الرائد رئيس شرطة منصوركتى بعد سحب ناسنا من الفرز قال (لناس المؤتمر) أنتم تعلمون أنكم ستفوزون وتعلمون الطريقه التى فزتم بها وكلنا يعلم لكن أحزركم بع الفوز اذا احتفلتم ومررتم بفقيرنكتى ومنصوركتى والكلد وقنتى فانكم تتحملون مسؤلية أنفسكم ونحن لا نستطيع حمايتكم ولسنا مسؤلين بما يجرى لكم واللهم قد بلغت ولذلك خافو
أما أهل الأغلبيه الحقيقيه فأحتفلو وترنمت شاعراتهم وقلن
السمعتو ده ماهو فوزان -- نحنا ما فرزولنا صيتان
نحنا بس قاطعنا قطعان
وقلن أيضا
يا عجل مشقة اللى الدفلس -- الحكم راجيكا ميراث
بى قرونك أطرد الباس -- اليمشى باللز عندو دوماس
ما معروف نايم واللا حاس
من خلقتو وقمتو ياناس --شفتو الابرى توازن الفاس
واللا شفتو البيت بيقيف بلا ساس
يا عجيلة سيدى أم قلد -- ترعى ما فاكرالا فى حد
يا الشيوخ يا كل العمد -- ويا الأجاويد الفى البلد
من نهارة ما اتولد -0- لامن فى راسى الشيب رقد
ماسمع بالهره تلاعب الأسد
والشدره أم سوسه حلفنا ندوسا 0 عصاية موسى أكيد محروسة
وبايعناك يا عثمان ونحنا معاك يا عثمان وماب نبقى بلاك يا عثمان ونكوى العاداك يا عثمان
وعاش أبوهاشم عاش أبوهاشم بحر العاشم وحوض العاشم رغم انف الغاشم مزور وظالم