لكم الود والتقدير ايها الابناء الافاضل على كريم جهدكم ولكن ياجماعة بالله عليك شدوا حيلكم شويه
زودوا السرعه وجمعوا صفوفكم ورتبوا اوضاعكم بفهم فالقواعد لكم والله فقط ينقصها قليل جهد
وكمان اهتموا بالجانب الاعلامي ناس لا يتعدوا اصابع اليد الواحدة قالبين الدنيا قلب
وانتو اسياد الساس والراس اعلامك ضيف ياجماعه الخير القواعد حقتنا والله
شرق ووسط وشمال كله حقنا بس شوووووووووية رشة موية وينبت الزرع ويدر الضرع
وكمان عشان تريحونا من الكلام الفارغ البي نسمع فيه بقت الختمية شماعة لكل شيء
ومولانا يساء في المنابر والختميه احياء يرزقون شدوا الحزام ياشباب الامل معقود فيكم وريحونا
من مبادئ زعيط وطريق معيط ورب الكعبة لا طريق ولا مبادئ ولا خلاص الا بتقوية الصفوف
والالتفاف حول سيادة صاحب وقتنا والساده المراغنة فهم سفن النجاة وسيبونا من الكلام
الفاضي ويا ريت والله يجيبوا لينا حزب الشعب ويريحونا من الرجه دي والحشاش يملأ شبكته.
حفظكم الله وبارك خطاكم وجمع صفكم وايدكم بتاييد حبيبه ومصطفاه
وجعلكم جنود حق ذبّا عن الجناب الاطهر
ودمتم مع خالض الامتنان