طير القدس
فى مدح السيد /الحسن اب جلابية
رضى الله عنه
ياطير القدس طير بينا لى حضرة علو مربينا
ياروح الرسول حبينا بى هيكل قواك شبينا
فى قلب الحبيب ودينا من شرباتو لاتغبينا
بلحيل صحيح ريدينا فى الحب دائما زيدينا
بالذات والصفات ابقينا من سفل الكيان رقينا
اقلب ذاتى واسمى ووصفى بى كنه التجلى الصرف
بيك سلمنى من الحتف وختمك ينطبع فوق كتفى
ختمو المنطبع فوق كتفو حير كل عالم وصفو
منو المرسلين يغرفو والاغواث من فيضو يصرفو
ياباطن بواطن روحى وياقلب النبى المشروح
داير بيك يبقى فتوحى وفى اطلاقك يبقى سروحى
قاصدين يالحبيب مانفوتك نسكن فى عوالى بيوتك
نسكر بى لذيذ شربوتك ونفهم لى حقائق موتك
فى جناحى غرز ريشك وادخلنى مكان تفتيشك
ضوقنى حلاوة عيشك وعلمنى علوم مافيشك
بيك طهرنى من ارجاسى واخرج من جميع اجناسى
ذاتك تبقى اصلى وساسى وتاجك سوو لى فوق راسى
جاد الاكرم السبوح بى ذات مصطفانا وروحو
باطن قلبهو المشروح بى الاستاذ يجينا فتوحو
بيك الكون تضوى اركانو يخرج من جميع امكانو
فى الحضرات يغيب سكانو ويبقو كأنهم ماكانو
شاف بى عينو ليلة اسرى سلطان القيامة الكبرى
قال يافاطمة ليك البشرى يخرج منك اصل الحضرة
فى ذاتك نموت نحيا نشهد صورتك المستحيا
يامالك الملك مندحيا ارضاً بيك تبقى المحيا
الاف السلام متوالى من اول علا الازال
للاباد ضوٌ يلالى ذات سيدى الحسن نورحالى