ألأخ العزير عيدابي
لله درك يا ملهم بعد قراءتي قصيدتك العصماء امل الأمة الموعدة
حركت في الشجن وأوتاري قالت طن وكان ما أخاف الكضب ( الكذب ) سرياني رطن ( رطنت )
جادت القريحة بهذه الطريحة أقبلها جاءت عفو الخاطر وانا نزلتها كما جاءت بدون تنقيح
او تصليح لانها قول محب صريح .
( دخري السودان سيدي عثمان )
مدخور لي يوم دا و الجايات
اياك دخرينا عثمان أسد الحوبات
عثمان قمرنا ضو المظلمات حالكات
اليله حوبتك يا الختم جات
يا راكز الصفوف ومعدل المايلات
يا ورث الفخر سليل ساداتي السادات
نقول يا الختم ننشد ونرفع الرايات
أبن علي المعلي رفيع درجات
سمي الأقرب أجود من الصابات
أنت قمر تمام أنجم سعدنا الطالعات
جوادا كريم معروف مقيل عثرات
للسودان سند . بكفك تخمد الطامات
وراك خيول الله عركسن راكبات
فوقين رجال في ركابن يرفسن واثبات
أدينا الأذن ننطلق و نعدل العوجات
نفداك بالمهج الجميع أبواتنا و الأمات
متل الصحابة أن دعيت نلفظ التمرات
ود الخليفة مأموله الصحبة في الجنات
هو وأهله من كف جدك ينال شربات
يا أبن بنت رسول الله يا منتهي الغايات
محصن يا الختم بتبارك و يسن والصافات
وأختم بالصلاة علي جدك نبي الشفاعات
أن جاء نظمي منقوصا فكماله محبتي فيكم ساداتي .