اشعار الحاجة بت تميمنه شاعرة مساوي خادمة الجناب
يا البلال
يا البلال ود سيدي ساير
نحنا جيدلنا يا محبين بالبشاير
دا ود المرغنى أب قدرا معله
دا ابن السيد على العزاهو الله
بلا جدك منو الكسوة حله
حمدنا المولى يوم البشرى جتنا
نرقص في اللعب نحنا وبناتنا
ونرقص في اللعب بي طالباتنا
يصفقو في اللعب هايشين جناتنا
نحنا نشرب في المدد بي كباياتنا
ندهت راجل الضريح البندهوهو
كدي نشوف ود سيدي في حيشان ابوهو
نبارك للختم عرسو وحلوهو
كدي نباركلو ونبارك لي اخوهو
وأنا بقلب سيرتي فوقك يا المنفل
يا نسل سيدي الحسن ود سيدي جعفر
يا الفاتح ضريحكم مو مقفل
أنا سألت المولى في حضراتكم أوصل
كدي أبارك لي شرايف سيدي جعفر
صلاة نبي الله فوق السادة جملة
الضوو البلد خلوها قمرة
البيغسلو في القلوب الراقدة واطة
ويلملمو في النسب سووها جملة.