[محمد عبده]

اقتباس : المشاركة الأصلية كتبت بواسطة الزبير بشير [ مشاهدة المشاركة ]

الاخ احمد

لك الود
اروي لك قصه طريفه .
احد الاخوان بطحاني ( الاخ بابكر حامد ، الشيخ الكباشي جده لوالدته و الشيخ فرح ود تكتوك جده لوالده ) من الحاج يوسف المايقوما ، يعمل في سوبر ماركت ، دوام العمل بالاسبوع من 7 صباحا الي 7 مساء و العكس من 7 مساء الي 7 صباحا . وهكذا اسبوع ليل و اسبوع صباح . الزول ده بالحاله ده لمده 25 سنه لا مل و لا كل( تبارك الله ماشاء الله ) . الطريف في الامر جاءهم زياره رجل كبير من السودان . هذا الزائر كان لما اصحي من النوم تقريبا 8 صباحا ما اقابل البطحاني اكون مشي العمل . و الزائر لما احضر بالليل تقريبا 9 مساء اكون البطحاني نام . وهكذا لمدة ثلاثه ايام . في اليوم الرابع ، الرجل قابل البطحاني في صالة البيت وكان الحوار التالي :
الزائر : يا ولدي انت ساكن هنا
البطحاني : ايوه .
الزائر : شغال وين
البطحاني : في بقاله
الزائر : زمن الشغل كيف
البطحاني : من 7 الي 7 اسبوع صباح و اسبوع مساء
الزائر : و انت بالحاله ده ليك كم سنه
البطحاني : 25 سنه
الزائر : علي بالطلاق اكان شغلك ده اكان لله اكنت بقيت ذي الشيخ حسن ود حسونه .
الاخ احمد
نحن الان نعيش في زمن الغفله ، كما قال مولانا شيخ علي الزمان الذي جمع الله فيه فتن كل الازمنه .
يا اخوانا نحن لدينا بيعه في الاعناق . ما في لعب و ما في تراجع ومن يلتفت فسوف يصيبه ما اصابها . بعدين يا اخوان للانتساب للطريقه لابد من عمل الاساس 5 دقائق + راتب الصباح 15دقيقه + راتب المساء 15دقيقه + فتح الرسول 25 دقيقه = واحد ساعه لله + 8 ساعات عمل + 1 ساعه عمل اضافي + 8 ساعات نوم +4 ساعات مشواير مع المدام + 2 ساعه فهلوه . بالله بامانه الزول البتلاعب في الاوراد عذروا شنوا .

نسال الله التوفيق لنا و لكم .

لك التحية الاخ الزبير ،،،

نعم والله نحن في زمن الغفلة ،، ومحتاجين (لشغل كثير) والامام الختم والله ما خلى لينا اي حاجة ،،، بس الواحد يقعد في الواطة دي كيف يقرا الاساس والراتب والتوسلات والمولد ،،،

ان شاء الله ربنا يهدينا ويقوينا على العبادة والطاعة ،،،،

الحياة أصبحت مسرعة جداً ،،،

كلنا من أجل ( لاغتنام وقت الفراغ بالذكر والصلاة على الرسول )

اللهم أهدنا فيمن هديت ، وعافنا فيمن عافيت ، وتولنا فيمن توليت ، وبارك لنا فيما أعطيت ،،،