.
.. دا غير العاوز يطلع او يجدد جواز او بطاقة او رخصة قيادة أو عاوز يطلع شهادة بحث دى كمان مليارات ..إنتو بتودو القروش دى وين؟ أصلو القاعدين (يغرقو) ليكم فى الشهر كم؟
- يعني أنت بس دي ( بالذات) عاوز تعرف أنها ماشة وين انت هسع ( الباقين) عارفم بمشوا وين ؟
عندك هسع دمغة ( الطريح( ودمغة (الشليق) ودمغة (الحابل (ودمغة ( النابل (زائد كنانه والرهد ديل كلهم عارفهم بمشوا وين؟
) - حاج الطاهر محتداً) هو نحنا (تطير عيشتنا) ما نعرف ولا حاجة ..
الشقيق ازهرى متعك الله بالصحة والعافية
القصة من ناحية مضمون شيقة لانها بتحكى واقع معاش بحكاية فواتير الإستقطاع التى تنتهجها مؤسسات الدولة واكتر شئ وقفت فيه كلام حاج الطاهر فى استنكاره حول اين تذهب قروش الاستقطاع بقوله نحنا تطير عيشتنا ما نعرف ولا حاجة
انا واحد من الشعب مرت على هذه الالعوبة فى اكل اموالى والضحايا معى بالالاف والموضوع كالأتى
كان ذلك فى بداية التسعينيات وتوجد أزمة فى سلعة السكر فإستخرجت الحكومة بطاقات تموينية لتوزيع السكر والصرف اسبوعيا على أن ينال كل مواطن ثلاثة أوقيات يستحق منها اثنين ويدفع ثمنهما وتستقطع الثالثة لمشروع الكهرباء.
ظللنا على هذا الحال لمدة سبع سنوات عجاف
وعندما افتتحت الكهرباء قبل عامين فرضت السلطات على كل مواطن خمسة وعشرين الف جنيه بالقديم تدفع شهريا لمدة ست وثلاثين شهرا مقابل العمود .
وعندما سألنا يا أخوانا هذا العمود دُفع ثمنه لمدة سبع سنوات من أوقية السكر ؟ قالوا لاشأن لنا بما دفعتم.
ووقعت علينا الوقعت على حاج الطاهر نحنا تطير عيشتنا ما نعرف ولا حاجة
قصة حاج الطاهر يا شقيقى ازهرى هى الواقع الذى يتذوق مرارته المواطن العادى فى حياته ويستقطع من قوت اولاده منذ أن إعتلت هذه الطغمة الحكم