[سراج الدين احمد الحاج]

ياعثمان تعود للساحة أنت الرحمة أنت الراحة
بسم الله يافتاحا أفتح لى بلا مفتاحا
زيل كابوسنا والكتاحا والسودان يصير مرتاحا
ثن بالماحى نبى الراحا نبى الرحمة كلو صراحا
الحابنو ديمة فراحا والمابيهو لى لظى راحا
أنظم للدرر براحه فوق عثمان مدير الراحا
مما فت مافيش راحا حقق للبلاد افراحا
هذى الامة أنت سلاحا غيركم مابشوفو صلاحا
رفرف نورا أشرق لاحا أنتم عزها وفلاحا
انت الرحمة أنت الراحا خيرات البلاد مفتاحا
السودان صبح كتاحا غيركم مابيعيش مرتاحا
يانور الدنا ومصباحا كيف سودانا يبقى مباحا
يانسل النبى المصباحا لابد ليلنا ليهو صباحا
بحق من سرى ومن ساحا عودتك عن قريب للساحه
مهما جاروا وزادو مساحا لابد يوم تجى المساحه
البراق دعاشه فاحا من الروضة جاب تفاحا
المحفوظ بغير سفاحا امضوا لى اراه كفاحا
صلوات ما المؤذن صاحا للسادة العجم وفصاحا
طيباً نادا ليكم صاحا يااهل البيت تزيدوا فصاحا

أبو الحُسين معجب بهذا